Echojounal Echojounal se jew zòrèy ou
Atik Ki Lye
Prezidan ameriken an, Joe Biden, aprè plizyè jou reyaji sou move tretman gad fwontyè yo te bay migran ayisyen yo. « Wi. M pran responsabilite a paske m se prezidan », Joe Biden.
Chèf Leta ameriken an kritike konpòtman gad fwontyè ki, daprè li menm, se » yon eskandal ». » E jan nou te ka wè l, se te yon bagay grav pou w wè yo ap trete moun yo konsa. Cheval ap kouri dèyè yo, yo ap frape yo, moun t ap tonbe », reyaji responsab mezon blanch la sou sityasyon difisil migran ayisyen yo viv anba pon Del Rio a nan vil Texas.
Daprè Joe Biden, sa ki pase a se yon « eskandal ». » Mwen pwomèt ou, moun sa yo ki fè sa, yo ap peye l. Genyen yon envestigasyon k ap fèt sou sa aktyèlman e ap gen konsekans », pwomèt prezidan ameriken an devan medya yo. » Wi ap gen konsekans. Se yon sityasyon anbarasan », afime Joe Biden.
Prezidan peyi Etazini an fè konnen sa ale pi lwen pase yon anbara. » Se yon danje. Yon move bagay. Li voye yon mesaj atravè monn nan, e li voye yon move mesaj pou lakay nou. Sa m ka di senpleman, sa ki pase a, se pa sa nou ye (…) », Daprè sa l di.
