Echojounal Echojounal se jew zòrèy ou
Atik Ki Lye
Orde des Défenseurs des Droits Humains ki gen ti sig (ORDEDH) denonse nan yon kominike pou laprès ki pote dat 7 fevriye 2024 la move konpòtman lapolis genyen sou moun kap mande premye minis defakto a, Ariel Henri kite pouvwa a.
òganizasyon an denonse zak vyolans polisye yo fè sou yon timoun, kote yo pran li ak gwo kout bòt san li pat gen anyen nan men li, yo denonse yon polisye ki bay yon manifestan yon kout boutèy nan tèt, san konte plizyè lòt yo bay bal ak gaz lakrimojèn.
Pilwen òganizasyon an kritike jan lapolis touye senk (5) ajan BSAP san pa te genyen okenn afwontman, jis paske yo kanpe nan kan popilasyon an ki ap mande nan tout peyi a pou premye minis defakto a, Ariel Henri retire kò li sou pouvwa a.
Pou rezoud pwoblèm nan òganizasyon an mande pou doktè a respekte akò yo, yo mande kominote entènasyonal la pou sispann sipòte Ariel Henri, yo mande pou genyon pase men nan lapolis la.
