Pati politik AAA soti yon nòt vandredi 26 avril 2019 la kote yo anonse ke senatè Latibonit la Gracia Delva pa nan pati ankò e li pa gen poul pale ni pran okenn desizyon nan non pati a ankò.
Yon desizyon ke direktwa pati a pran apre senatè lwès la Jean Renel Senatus te anonse devan mikwo laprès ke Gracia Delva gen lyen zanmitay nan pale nan telefòn ak chèf bandi Site de Dye a Anel Joseph, yon enfòmasyon ke senatè Latibonit lan pa demanti.
Nòt sa ki anonse ke eli Latibonit la Gracia Delva deyò nan pati AAA gen siyati 6 manm nan pati men nòt la pa bay twòp detay sou rezon ki ta pouse yo reyaji vit konsa.