Ofis pwoteksyon sitwayen, nan yon nòt li fè soti 19 avril 2021 an salye reyentegrasyon Christophe Lesperance nan pòs grefye tribinal premye enstans ki nan Kwadèboukè a ki fèt nan jounen lendi 19 avril 2021 an._
Daprè nòt la, ofis pwoteksyon sitwayen enfòme lopinyon nasyonal kou entènasyonal Christophe Lesperance tounen nan pòs grefye li.
« Mezi sila a te rive pran aprè anpil diskisyon ki te genyen ant ofis pwoteksyon sitwayen ak ministè Lajistis », daprè sa yo fè konnen .
Yon lòt kote, ofis pwoteksyon sitwayen salye dezisyon sa Rockfeller Vincent, minis jistis la, pran an. » Li fè prèv moun lespri, li mete l pi wo pase sa k ap pase yo nan lide pou jwenn yon solisyon ak grèv san limit majistra yo », deklarasyon ofis pwoteksyon sitwayen.
Jackson junior Rinvil