Echojounal Echojounal se jew zòrèy ou
Atik Ki Lye
_Prezidan sendika anplwaye sistèm nasyonal fòmasyon pwofesyonèl (SESNFP), Jean Marie Leveile, fè konnen nan yon konferans pou laprès UNFP se yon enstitisyon ki dwe repanse avèk teknisyen ayisyen._
Prezidan SESNFP a lonje dwèt li men longè sou kèk politisyen ki anpeche direktè UNFP a fè travay li kòmsadwa. » Direktè Diquel Alvaris genyen kèlkemwa nan sistèm nan (…) Nou fyè paske nou gen yon teknisyen nan tèt sistèm nan. Men depil parèt gen yon pakèt politisyen ki zonbifye l », pawòl sendikalis Jean Marie Leveile.
Responsab SESNFP ale pi lwen pou l ajoute sa pou direktè a ta fè a li pa ka fè yo. » Se nan sans sa nou mande premye minis la ak minis edikasyon nasyonal ak fòmasyon pwofesyonèl la pou yo akonpanye direktè a ».
Selon Jean Marie Leveile, UNFP sanse ap mache san pòt fèy. Sendikalis la mande kote lajan taks ki la pou sa pase anvan li ajoute « UNFP se yon enstitisyon ki dwe repanse ».
