Echojounal Echojounal se jew zòrèy ou
Atik Ki Lye
Granm bonè nan maten lendi 13 desanm 2021 an, kapital la konnen yon gwo jounen tansyon nan zòn Bonrepo ak kanaran, kote chofè bis ki asire trajè Bonrepo kafou ayewopò ak anba lavil te bloke wout nasyonal nimewo 3 nan lide pou mande enkilpe Ariel Henry retounen sou desizyon rache fyèl li te pran pou ogmante pri gaz la.
Pilwen, chofè yo fè konnen mouche leta lage yo nan gwo diskisyon avèk patwon yo ki se pasajè yo, selon kèk nan chofè yo, san pasajè yo yo pap ka fonksyone paske se yo ki pou moute machin yo pou yo fè kòb.
Chofè yo kontinye pou di, si leta pa retounen sou desizyon yo te pran pou moute pri gaz la, yap kontinye bloke lari a jiskaske revandikasyon yo pase.
Ronald Exavier
