Echojounal Echojounal se jew zòrèy ou
Atik Ki Lye
_Lidè platfòm politik pitit Dessalines nan, Moïse Jean Charles, fè konnen sou radyo Scoop FM apre dezyèm lendi janvye 2022 pa gen senatè ankò._
Dezyèm lendi janvye 2022 ki pral vini lage yon chire pit nan mitan aktè politik, konstitisyonalis ak sila yo ki save nan domèn jiridik sou manman lwa peyi a. » Dezyèm lendi janvye 2022 pa gen senatè ankò », deklare ansyen senatè depatman Nò a jounen mèkredi 5 janvye a.
Ansyen kandida pou pòs prezidan nan eleksyon prezidansyèl 2015 yo, pi lwen, fè konnen pou kèlkeswa rezon an yo pa ka kite senatè yo la. » Se pa mwen ki di l se lalwa, se dekrè elektoral la ki di l. »
Biwo sena a bò kote pa l, mande senatè yo pou yo pa kite yo entimide ak pa kanpay entoksikasyon sa e an menm tan, mande yo pou yo kontinye defann enstitisyon senatoryal la, demokrasi a ak pèp ayisyen an.
