Echojounal Echojounal se jew zòrèy ou
Atik Ki Lye
Pati politik platfòm nasyonal sektè popilè ayisyen ( PLANSPA) plede pou yon konsansis istorik kap enkli tout fòs viv peyi a anba lidèchip sena repiblik la nan sousi pou konble vid prezidansyèl ki genyen apre lanmò Jovenel Moïse la._
« Asasina prezidan Jovenel Moïse la kreye yon vid nan egzektif la. Pòs prezidan repiblik la vakan sa ki eskplike ijans ki genyen pou fòme yon nouvo gouvènman pou dirije peyi a jiskaske yon prezidan prete sèman. Nan konjonkti difisil e konplike sa nou ye a, ayisyen yo dwe konsète pou yo jwenn yon solisyon », ekri nan yon nòt.
Pati PLANSPA, toujou daprè nòt la, patizan yon konsansis istorik kote tout fòs viv peyi a ap enkli anba lobedyans sena repiblik la.
Chwa « anba lobedyans sena repiblik la », daprè yon pòs ki fèt sou kont twitè pati PLANSPA, se paske sena se aktyèlman sèl eli pèp ayisyen an.
