Echojounal Echojounal se jew zòrèy ou
Atik Ki Lye
Yon lyon manje lendi de (2) dawout 2021 an, twa (3) timoun ki gen laj nèf (9) pou rive onz (11) lane nan « Ngorongoro » ki se rezèv forè nan peyi Tanzani.
Timoun sa yo ki te vin nan lekòl ki tou prè forè a epi yo te deside al gade plizyè espès zannimo konsa lyon an debake epi manje twa (3) timoun sa yo ak blese yon lòt, daprè esplikasyon chèf polis vil « Arusha » Justine Masejo.
Forè « Ngorongoro » ki twouvel nan Nò peyi a, « UNESCO » klase kòm yon patrimwàn mondyal akoz peyizaj li. Chèf polis la Justine Masejo, ki lanse yon apèl bò kote moun ki ap vizite forè a pou fè anpil pridans akoz gwo bèt sovaj ki ladanl.
Nou ap siyale, otorite Tanzani yo ki bay lòd pou elèv yo viv nan pak nasyonal ak seri bèt sovaj sa yo, lyon, elefan yon fason nan kad vizit touristik pou kapab gen kontwòl yo men, ki pa anpeche yo konn fè gwo dega touye plizyè moun.
Dieuva Occidor
