Echojounal Echojounal se jew zòrèy ou
Atik Ki Lye
_Nan yon konferans pou laprès konsèy siperyè polis nasyonal la bay madi 9 novanm 2021, direktè Jeneral Lapolis Nasyonal Dayiti, Frantz Elbé, sou kesyon gaz la, fè konnen se pa pwoblèm ensekirite ki lakoz gaz la pa ka soti nan tèminal vare a_ .
Chèf Lapolis la ki tap entèvni sou kriz gaz peyi Dayiti ap fè fas depi plizyè semèn, fè konnen gen yon dispozitif sekirite ki mete ki fasilite yon pakèt pwodui soti anndan tèminal vare a.
« Pou kesyon gaz, se pa mwen ki pral chwazi ki atik ki pou soti ; si se gaz ki pou soti paske gen plizyè aktè ki enplike nan pwosesis la », deklare Frantz Elbé, responsab Lapolis Nasyonal Dayiti a ki, pi lwen, fè konnen Lapolis Nasyonal Dayiti asime responsabilite li e mande lòt aktè yo pou yo fè menm jan.
Yon lòt kote, Direktè Jeneral Lapolis Nasyonal Dayiti a poko di kilè sitwayen pezib ap ka travèse Matisan pou ale nan aktivite yo.
