Echojounal Echojounal se jew zòrèy ou
Atik Ki Lye
Sa fè anviwon de (2) semèn depi peyi Gwadloup ap konnen moman difisil sitou zòn ansapit, akoz sitwayen yo nan peyi sa ap manifeste kont obligasyon pou yo pran vaksen kont kowona viris.
Yon sitiyasyon ki pa san konsekans sou ayisyen ki envesti nan peyi sa,nan fè biznis. Pwotestatè yo ki pa pè anyen, boule tout sa yo jwenn sou wout yo, piye divès antrepriz, kek sitwayen ayisyen ki te gen magazen pwodui kosmetik,vètman nan peyi Gwadloup, tout pase anba dife, yo pa konn ki sen pou yo rele.
Daprè deklarasyon ansyen jounalis radyo galaxie,Jean Guy Sadrac Méme, konsta yo pa diferan ak mouvman pwotestasyon 6,7 Jiyè ki te genyen nan nan peyi dayiti.
Malgre anons otorite fransèz yo, zak vyolans yo kontinye, gen barikad sou tout wout yo ansapit, kawotyou ap boule, pwotestatè yo kanpe byen rèd dèyè barikad yo.
Marie Wanide Nencha Vernois
