Echojounal Echojounal se jew zòrèy ou
Atik Ki Lye
Gwoup petwo Chalenjè « NOU PAP KONPLIS », konfederasyon Vodou Nasyonal, montre yo pa an akò ak nouvo kabinè ministeryèl premye minis Ariel Henry a. Selon yo, nouvo gouvènman sa se yon pataj gato, daprè plizyè manm estrikti sa yo ki pwofite denonse enterè pèsonèl dirijan yo.
Pòt pawòl gwoup petwo Chalenjè « NOU PAP KONPLIS » la, kritike kèk lidè ak regwoupman politik ki te montre yo nan opozisyon epi ki pat dakò PHTK jodi a ki mare sosis yo menm kote, epi gen moun nan menm gouvènman ak menm ekip PHTK sa.
« NOU PAP KONPLIS » ki deklare pa gen espwa pou yon amelyorasyon nan kriz peyi a ap fè fas la ak gouvenman sila. Estrikti sa envite popilasyon an rete vijilan pou siveye chak grenn aksyon gouvenman sa nan lide pou we eske li nan avantaj yo.
Konfederasyon Vodou nasyonal, entènasyonal ak revolisyonè raple se bò akò montana ki kapab pote yon solisyon pou peyi a ka kanpe.
Marie Wanide Nencha Vernois
