Lendi 29 novanm 2021 an make 34 lane depi yon gwoup makout ak militè te asasinen nan yon biwo vòt riyèl vayan, ( lekòl Ajantin Bèlgad) yon pakèt sitwayen nan moman yo ta pral chwazi gras ak bilten vòt yo, moun ki pou dirije yo.
Premye eleksyon demokratik apre peryòd Duvalier yo echwe an Ayiti. Nan lane 29 novanm 1987 yon gwoup makout ak militè asasinen yon gwoup inosan ki ta pral chwazi moun ki pou dirije yo demokratikman nan biwo vòt ki te nan Riyèl Vayan.
Daprè anpil sitwayen jounalis ki te temwen evenman an, yo fè konnen viktim yo ant blese ak moun ki mouri te anviwon yon trantèn nan Riyèl Vayan an.