Entèvni nan jounal Gran Boulva sou Radyo Karayib jounen madi 30 novanm nan, mèt Caleb Jean Baptiste lonje dwèt sou yon manm nan sektè demokratik e popilè a ki ta dèyè asasina ki te fèt sou militan politik Ti blan Tatou.
« Li yon ti jan wouj. Li se yon manm enfliyan nan sektè demokratik e popilè a », deklare avoka angaje a nan mikwo Guerrier Dieusel ak Pierre Renel René.
Pwòch ansyen opozisyon an, mèt Caleb Jean Baptiste fè konnen li gen prèv. » Gen plent ki pral depoze nan jou k ap vini yo », daprè sa l di.
Yon lòt kote, avoka ajoute lè yo envite li nan reyinyon li ale dezèd tan avan lè reyinyon an ta dwe kòmanse. » M pa fè yo konfyans. Yo pa wè lè m ale », Caleb Jean Baptiste ki, pi lwen, deklare li pa rekonèt Ariel Henry kòm chèf.
N ap raple sektè demokratik e popilè a gen manm li ki anndan gouvènman Ariel Henry a.