Varyan omikwon an kòmanse ap vale teren nan monn lan. Twa (3) ka detekte nan peyi Nijerya, zòn afrik lwès, daprè sa otorite sanitè yo anonse jounen mèkredi 1 desanm 2021 an.
Sant kontwòl maladi nan peyi Nijerya detekte twa ka varyan omikwon sou moun ki te vwayaje nan peyi Afrikdisid.
Moun sa yo rive semèn ki sot pase a nan peyi Nijerya e yo mete yo an izolman. « Kounya se pa konnen èske gen lòt ka varyan omikwon nan peyi a, men se konnen kilè n ap dekouvri yo », Daprè direktè sant kontwòl maladi nan peyi Nijerya.