_Premye minis defakto ayisyen an, Ariel Henry feliste nouvo prezidan eli peyi Chili a, Gabriel BORIC ki ranpòte eleksyon prezidansyèl yo ak dezyèm tou ak ki te fèt dimanch 19 desanm 2021._
Ideyoloji Lagoch pran pou pouvwa nan peyi Chili a travè Gabriel BORIC. » Nan non pa m ak nan non pèp ayisyen an, m feliste Gabriel BORIC pou viktwa li nan eleksyon prezidansyèl chilyen », reyaji chèf gouvènman defakto a, doktè Ariel Henry.
Yon lòt kote, responsab primati a fè konnen li konvenki relasyon de (2) peyi yo ap ranfòse ak dire pi plis.
N ap raple, peyi Chili fè pati peyi nan amerik Sid kote ayisyen plis al chache kote lavi fè kwen.