Nan yon soti tèt chaje senatè lwès la Zokiki fè jodi madi 23 avril 2019 la li anonse ke senatè Gracia Delva gen kominikasyon ak chèf bandi Site de Dye a e ki aktyèlman ap bay panik nan depatman Latibonit lan Anel Joseph.
Ansyen komisè Potoprens lan ki idantifye yon nimero kòm nimero chèf bandi Anel, fè konnen de sèt (7) fevriye 2019 a 22 fevriye 2019 chantè Mass Konpa e senatè Latibonit Gracia Delva pale pou pi piti venn kat (24) fwa ak bandi Anel Joseph nan telefòn, e gen apèl ki di dire 15 minit, yon minit, yon minit kèk segond poun repete sa yo.
Senatè Jean Renel Senatus ki se prezidan komisyon jistis ak sekirite nan sena a anonse yap gen pou tande Gracia Delva sou pil apèl sa yo ke li genyen ak nimero telefòn sa ke chèf gang Anel Joseph ta ap itilize.