Aprè lanmò chèf gang pwojè dwouya a Ti Hougan, sitiyasyon vyolans lan vinn pi konplike, chak jou Bondye mete se kout zam kap tire tribò pa bò nan pwojè dwouya.
Daprè yon notab nan zòn lan, Jean Hénoc Joseph, kout zam sa yo kap chante tribò pa bò a se bandi ak bandi yon fason pou youn nan yo ka vinn ranplase Ti Hougan ki pèdi lavil nan lane 2019 la anba kout zam patizanl
Mesye Henoc Joseph fè konnen li vrèman difisil pou kounya pou yo konnen konbyen moun ki mouri epi ki blese men li pa ekate bilan kek grenn moun nan popilasyon an ap rapòte pou di men konbyen moun ki mouri epi ki blese
Yon lòt bò mesye Hénoc Joseph fè konnen seri vyolans sa yo antre nan kad batay kap mennen pou gen kontwol teritwa yo, yon fason pou lè gen eleksyon pou bandi yo ka gen kontwòl epas la pou kandida yap kore nan kous la kapab genyen eleksyon an.
Pou fini mesye Henoc Joseph fè konnen fòs lòd yo pa fè okenn entèvansyon yon mannyè pou pèmèt sitiyasyon an retounen nan nòmal li
Rikenson Fulgeance