Chèf kilt vodou ayisyen an Ougan Cedral Noelus mande popilasyon an leve kanpe kont KEP ke prezidan repiblik la Jovenel Moïse mete kanpe a.
Selon chèf kilt vodou a ki tap reyaji nan emisyon pawol la pale sou radio Echojounal maten madi 22 septanm 2020 an KEP a se yon KEP ti zanmi, li fè konnen li pa rekonèt madam Marie Rosemène Joseph Pierre kòm reprezantan kilt vodou a nan KEP a, ougan an mande popilasyon an leve kanpe pou yo pa pran nan seleksyon gouvènman an ap prepare pou fè a pou lage peyi nan plis deblozay.
Ougan an deklare kilt vodou ayisyen an pa gen plizyè moun nan tèt li se yon sèl moun ki nan tèt li e ki te ale prete sèman Jan arete 4 avril 2003 a di sa nan atik 5 lan.