Byen bonè lendi 5 oktòb 2020 an etidyan nan fakilte leta yo tankou fakilte de dwa, etnoloji ak plizyè lòt te plante pikèt yo sou beton an pou mande jistis pou kamarad yo Gregory Saint-Hilaire.
Etidyan yo ak kèk moun nan popilasyon an ki te rejwenn yo te move kou kong, yo te tire anpil wòch ak boutèy sa ki ta pral mete yon gwo mache prese nan tout kwen chanm mas la, kawotchou tap boule barikad nan kèk rantre ki bay aksè a chanm mas la san konte anpil katouch ki tap tire nan plizyè kwen. De (2) machin leta boule youn nan ri Marcelin epi youn nan avni Christophe.