Echojounal Echojounal se jew zòrèy ou
Atik Ki Lye
Chèf gouvènman defakto a, Ariel Henry, nan yon twit fè konnen li bay garanti Lapolis Nasyonal Dayiti ap repran kontwòl wout Matisan an ki mennen nan Gran Sid la.
« Nou kòmanse idantifye moun ki ap alimante ak finanse gang yo. Sityasyon peyi a dwe chanje. Chak sitwayen dwe kapab sikile lib nan peyi l », estime responsab primati a.
Nan sans sa, doktè Ariel Henry, bay garanti twonson wout Matisan ki mennen nan Gran Sid la ap degaje e Lapolis ap repran kontwòl wout la.
Nèg ak zam nan nivo Matisan pa janm sispann fè san koule depi plis pase 6 mwa alòske, tout sa yo ap fè yo se toujou anba bab otorite nan Leta yo.
