Echojounal Echojounal se jew zòrèy ou
Atik Ki Lye
Premye minis Britanik lan Boris Johnson fè konnen sou kont twitè li ,li vrèman choke epi tris pou lanmò prezidan Jovenel Moïse kote li denonse aksyon malonèt sa ki pase nan lannwit madi 6 pou rive mèkredi 7 jiyè 2021an .
Premye minis Boris Johnson prezante kòdoleyans li ak fanmi viktim epi popilasyon ayisyèn nan.
Pòt pawòl prezidan ameriken an Jen Psaki deklare se yon atak tèrib epi trajik asasina prezidan Ayiti an ak Madanm li nan lannwit lan. Washington deklare li prè pou li pote èd li nan peyi an.
Chèf Diplomatik Ewopeyèn nan Josep Borell di li choke aprè nouvèl asasina prezidan Jovenel Moïse .Josep Borell fè konnen sou kont twitè li krim sa antrene yon risk enstabilite .Lajistis ayisyen dwe jwenn moun ki fè aksyon sa epi mennen li lajistis .
Manb konsèy sekirite ONU yo deklare asasina prezidan Ayiti an vrèman chokan ,anbasadè fransè a Nicolas Rivière fè konnen se yon gwo tristè nan mitan konsèy sekirite a.
Daprè plizyè anbasadè dwe gen yon reyinyon ki òganize an ijans .
Angeline Michel
