Echojounal Echojounal se jew zòrèy ou
Atik Ki Lye
Apre manm « konsèy prezidansyèl chak moun fè ti kout » yo te fin antann yo pou te mete do ansyen premye minis defakto, Garry Conille atè e ranplase li pa Alix Didier Fils-Aimé, yo poko ka antann yo antre yo sou chwa minis yo ki ta dwe fè pati nouvo gouvènman an.
Selon enfo nou rive jwenn genyon gwoup nan yo ki vle se yo ki pou gen kontwòl pi fò nan minis yo, yon lòt gwoup yo menm kanpe an kwa kont sa, premye minis defakto a, Alix Didier Fils vle gen kontwòl kèk ministè men bagay yo poko klè pou li, gwoupman yo ak pati politik yo ki gen reprezantan yo nan « konsèy prezidansyèl chak moun fè ti kout » la bò kote pa yo rele anmwey, yo denonse reprezantan yo ki pa mete yo okouran de anyen ki ap pase ni pou te jete mouche Conille ni nan separe gato a.
Deblozay sa lakoz gouvènman an poko ka moute, chwa yo poko ka fèt, selon enfo yo gen ministè zafè etranje ki te gen nan tèt li, Dominique Dupuy yon gwoup nan manm konsèy yo ki gen plis enterè nan peyi repiblik dominikèn ap chache yon moun ki pa pral nwi Luis Abinader ni ki pa pral pèdi tan nan dosye ayisyen ke yo ap voye tounen, ni jan yo ap viv.
Sityasyon sa mete gwo konflit ant gwoupman ak pati politik ki te mete konsèy la kanpe yo, gen nan yo ki mande pou ranplase reprezantan yo nan « konsèy prezidansyèl chak moun fè ti kout la » pandan tout deblozay sa yo popilasyon an nan lari ap pran bal, yo pa ka jwenn lopital, lekòl la ouvri floup li fèmen flap, bandi yo ap pran plis tèritwa pou site sa yo.
