Pi fò depite pare pou vote Jean Henry Céant, daprè prezidan APH la.
Prezidan Alyans Palmantè pou Ayiti ( APH) nan chanm depite a Jean Wilson Hypolite , fè kwè ayè lendi 13 dawout la majorite nan kòlèg li yo deja pare pou bay premye minis nonmen an yon vòt favorab .
Depite leyogàn nan di se 15 depite selman ki kite APH sou 71 manb kite konpoze blòk la.
Jean Wilson Hypolite mande premye minis deziye a pa pran pawòl nan men okenn depite ki vle negosye pòs ak li.
Depite ansafolè a Louis Marie Bonhomme, sou bò pal , siyale sitiyasyon kritik peyi a ap travèse dènye jou sa yo.
Fas ak tout pwoblèm sa yo , depite Louis Marie Bonhomme panse palmantè yo dwe byen analize Politik jeneral Jean Henry Céant pral prezante devan asanble a pou konnen si lap ka pote solisyon nan tout pwoblèm kap brase bil popilasyon an.
Kervens Louis
Kervenslouis459@gmail.com
+509 44120020