Nan apre midi dimanch 7 jwen 2020 an enspetè polis Merandieu Jean Baptiste mouri nan komisarya Gonayiv la kote li apèn transfere ak yon bal nan tèt li.
Selon enfòmasyon yo se enspektè a ki ta tire tèt li anndan komisarya a. Yon polisye ki te nan lakou a fè sal redaksyon nou konnen yo te jis tande katouch la pati lè yo rantre yo jwenn enspektè a ki tap benyen nan san li, yo te tante pou wè si yo ta bal lavi nan mennen li lopital men li te gentan rann souf li. Pou kounye a kò enspektè a nan yon mòg nan vil Gonayiv.
Nap raple enspektè Merandieu Jean Baptiste te responsab komisarya Ench ki chita kò li nan depatman sant lan.