Echojounal Echojounal se jew zòrèy ou
Atik Ki Lye
Direktris lotri leta ayisyen (LEH) Margarette Fortuné bay yon konferans pou la près jounen lendi 21 septanm 2020 an nan objektif pou denonse envazyon ke lotri a te sibi vandredi 18 septanm 2020 an.
Selon direktris la chak ane fiskal la pral kòmanse genyon gwoup nèg ak zam ki bay tèt yo non « pote boure » ki toujou debake nan lotri pou vin mande li ti rès anba gwo presyon, Li fè konnen moun sa yo menase boule lokal lotri a e moun sa yo ta fè konnen yo se patizan pouvwa a.
Direktris la mande otorite konsène yo pou pran tout mezi posib pou garanti sekirite li ak tout moun kap travay nan enstitisyon an san konte lokal la ki sou gwo menas.
Margarette Fortuné ki parèt trè enkyè pa sispann poze tèt li kesyon de ki ti rès mesye sa yo ki parèt trè vyolan ap mande a.
