Elmina Libérus se non yon jèn fi ki pèdi lavi li jounen mèkredi 7 oktòb 2020 an nan lopital Justinien nan vil Kap ayisyen apre li fin akouche.
Jèn fi sa te gen 32 lane sou tèt li, li fè twa (3) timoun yon sèl kou de (2) tifi ak yon ti gason selon enfòmasyon nou rive jwenn Elmina ta deja gen de (2) lòt timoun nan men li san papa e twa (3) timoun sa yo li fè la, pèsòn nan fanmi li pa konn kiyès ki papa yo. Jèn fi sila mouri kite senk (5) timoun.