Yon moun mouri ak 3 moun blese grav sou wout nasyonal nimewo 1 nan komin Kabarè nan lokalite » Mòn Total » nan aksidan 2 machin ki pote sab ak siman ki te frape ansanm jounen mèkredi 9 desanm 2020 an .
Prezidan komisyon enterimè komin Kabarè a Joseph Guillaume fè konnen viktim yo te transpòte nan yon sant sante ki touprè a pou yo te ka jwenn swen ke yo merite.
Plizyè aksidan anrejistre nan mòn sa se yon nan rezon ki fè Guillaume te pran tan li pou li te mande responsab direksyon polis santral lan pou yo voye polisye vini fè yon kontwòl sou chofè yo pou yo pa fè eksè vitès lè yo rive nan mòn nan.
Angeline Michel