Echojounal Echojounal se jew zòrèy ou
Atik Ki Lye
Ansyen depite Petyonvil la, Jerry Tardieu, nan yon pwen près li bay jounen Jedi 22 avril 2021 an fikse pozisyon li sou ranferandòm nan ak ansanm kriz k ap brase pil peyi a.
Lidè pati politik mouvman « an avan » an, Jerry Tardieu fè konnen pwosesis nouvo konstitisyon Jovenel Moïse la pa patisipatif, li pa enklizif, li ilegal, li ilejitim, li pa konstitisyonèl. »
« Jovenel Moïse chwazi pou kont li senk (5 ) zanmi pouki travay sou pwojè avan konstitisyon an. Yo pa reprezante sektè vi nasyonal la », daprè deklarasyon Jerry Tardieu.
Ansyen palmantè a yon lòt kote, kritike sa ki anndan nouvo konstitisyon Jovenel Moïse la. « Yo ap bann nou yon sistèm ki pral bann nou yon prezidan wa ki gen tout pouvwa, avèk jidisyè ak lejislatif kòm restavèk, p ap gen redisyon kont, yo p ap gen pou yo rann kont ak konstitisyon sa » , daprè analiz Jerry Tardieu sou konstitisyon Jovenel Moïse la.
Alòske, daprè ansyen palmantè a sou koze « rann kont lan », se youn nan bagay ki entèrese sosyete a anpil. « Nou bezwen konnen kisa yo fè ak lajan Leta », deklarasyon Jerry Tardieu.
Parapò ak ansanm kriz k ap bwase bil peyi a, ansyen depite a pa mete dlo nan bouch li pou li denonse jan peyi a vin ye a. » Nan lane 2017 lè Jovenel Moïse prete sèman an, gen pakèt enstitisyon ki te fonksyonèl e legal tankou palman an, kou kasasyon, CSPJ, lapolis, » raple mesye Tardieu.
« Gang pran peyi a, kolektivite yo kraze, lajistis kraze, sektè prive a fè fayit, chomaj ak ensekirite toupatou », se konsta sa Jerry Tardieu fè sou sityasyon malouk peyi a ap konnen dènye tan sa yo.
Jackson junior Rinvil
