_MENFP entèdi tou aktivite ki gen pou wè ak gradyasyon,jounen rekreyativ ak fèt fen lane nan tout lekòl anndan peyi a, daprè yon nòt ministè a mete deyò jounen lendi 31 me 2021 an_
Kowona viris la ap layite kò li anndan peyi a dènye tan sa yo. Nan sousi pou pwoteje elèv yo ak tout pèsonèl edikatif yo, ministè edikasyon nasyonal entèdi tout aktivite fèt, jounen rekreyativ ak gradyasyon nan tout lekòl ki sou teritwa Ayiti a.
« Ministè a mande direktè depatmantal edikasyon yo , enspektè yo ak direktè lekòl yo pou yo pran bon jan dispozisyon pou mezi sila yo kapab respekte », daprè nòt la.
Daprè ministè edikasyon nasyonal, chak jou ka kovid-19 yo ap ogmante anndan peyi a se sa ki lakoz otorite yo oblije pran tout mezi nesesè pou limite maladi a.
Jackson junior Rinvil