Echojounal Echojounal se jew zòrèy ou
Atik Ki Lye
_Nan yon nòt laprimati fè soti jounen vandredi 9 jiyè a, yo fè konnen premye minis pou yon ti bout tan an, Claude Joseph pale nan telefòn ak prezidan kolonbyen an, Iván Duque._
« Premye minis Claude Joseph sot pale nan telefòn ak prezidan kolonbyen an, Iván Duque », daprè sa ki ekri nan nòt primati a.
« Prezidan kolonbyen an pwomèt chèf gouvènman ayisyen an peyi li ap bay tout kolaborasyon posib nan avansman ankèt sou asasina prezidan Jovenel Moïse la », daprè nòt la.
Daprè otorite lapolis nasyonal Dayiti yo, gen anpil kolonbyen ki gen non yo site kòm prezime asasen nan lanmò Jovenel Moïse.
