Echojounal Echojounal se jew zòrèy ou
Atik Ki Lye
Plis pase 65 moun mouri kangrennen pami yo 28 militè nan yon dife k ap ravaje nò peyi Aljeri, notamman Kabili, depi lendi 9 dawout 2021_ .
Daprè otorite yo nan peyi Aljeri, plis pase 65 kretyen vivan mouri kangrennen nan yon dife k ap ravaje nò peyi Aljeri. Sou twitè madi nan aswè, prezidan peyi Aljeri a Abdelmadjib Tebdoune deplore lamò 25 sòlda militè ki t ap eseye etenn dife yo. » Se avèk anpil lapèn m aprann lanmò an mati 25 sòlda ki te fin sove plis pase yon sentèn sivil nan mòn Bejayiya ak Tizi ouzou », ekri chèf Leta Aljeryen an.
Bilan moun ki mouri yo vin pi plis jounen mèkredi a, daprè sa otorite yo fè konnen menm si yo poko kapab bay yon bilan definitif vrèman.
Ministè enteryè a bò kote pa l kalifye « kriminèl » orijin dife a. » Senkant (50) kote dife pran an menm tan, sa enposib. Dife yo gen yon orijin kriminèl », deklare minis enteryè a, Kamel Beldjoud, daprè sa RFI rapòte.
Jackson junior Rinvil
Kredi foto:france 24
