Echojounal Echojounal se jew zòrèy ou
Atik Ki Lye
Tanpèt Ida nan peyi Etazini, patiklyèman nan vil New York lakoz pou piti 44 moun pèdi lavi yo apre yon inondasyon. Yon sityasyon ki lakoz anpil panik nan vil la._
Bilan tanpèt Ida nan vil New York kontinye ap ogmante. Selon otorite yo gen pou piti 44 moun ki gentan mouri apre inondasyon yo. Anplis moun ki mouri yo, gen lòt dega materyèl ki anrejistre akoz pasaj tanpèt Ida a.
Anpil riyèl, wout prensipal transfomè an gwo rivyè nan katye Brooklyn ak Queens. Daprè anpil abitan nan New York sa ki pase a se yon siy otorite dwe bay chanjman klimatik la plis enpòtans e aji an konsekans.
« Se prèv chanjman klimatik la, pètibasyon anviwonmantal yo ak fason nou jere polisyon yo se veritab pwoblèm », deklare Noël, yon abitan nan vil New York.
ETA DIJANS NAN NEW YORK AK NEW JERSEY
Mezon blanch, parapò ak ravaj tanpèt ap fè nan vil New York ak New Jersey deklare eta dijans nan eta sa yo. « Nou tout ansanm. Nasyon an pare pou bay bourad », deklare Joe Biden daprè sa RFI rapòte.
Jackson junior Rinvil
Kredi foto:nbc
