Lopital St Antoine nan Jeremi anonse jounen mèkredi 22 septanm 2021 an yo ap kanpe kèk sèvis nan lopital la akòz pwoblèm gaz ki pa genyen nan depatman Grandans lan, pwoblèm gaz la lakòz anpil antrepriz tankou ED’H pa fonksyone nan depatman an.
Yon lòt kote, responsab lopital la fè konnen nan yon entèvyou youn nan jounalis Echojounal yo te fè avè li kote li pat vle revele non li, li fè konnen gen anpil malad kap soufri akòz pa gen gaz pou kèk aparèy elektwonik fonksyone.
Nap raple, lopital St Antoine Jeremi se youn nan pigwo lopital nan depatman an, se lopital inivèsite leta Dayiti ki chita kòl nan depatman Grandans lan.
Ronald Exavier