Ayiti/Manifestasyon: Popilasyon an pran lari nan Pòtoprens, lapolis fè li jan blan an mande a.

Atik Ki Lye

Ayiti/Ensekirite: Gouvènman defakto a nan wout pou fè viktwa sou pèp Mibalè a.

31, mars, 2025

Ayiti/Disparisyon: Detay sou disparisyon anplwaye Ona a, Fabrice Cadet.

18, février, 2025

Ayiti/Ensekirite: « Viv Ansanm » reyaji sou dife ki mete nan lopital jeneral la, sa ki pouse anpil kesyon rete san repons.

15, février, 2025

Plizyè milye moun pran lari jounen mèkredi 2 avril 2025 lan pou mande manm « Konsèy Prezidansyèl chak moun fè ti kout yo » ak premye minis defakto a, Alix Didier Fils-Aimé pou met sekirite nan peyi a oubyen pou yo kite pouvwa a.

Yon manifestasyon lapolis pa te pran tan pou te kraze ak gaz lakrimojèn e tire anpil kout bal anlè nan nivo boudon ak Kafou Miso, manifestan yo ki te vin an kolè te lanse anpil pawòl piman bouk kont yo e denonse lapolis ki toujou di yo pa jwenn lòd pou atake bandi yo, yo pa gen materyèl men, yo toujou jwenn lòd ak materyèl pou kraze manifestasyon popilasyon an jan blan an mande yo li a. Manifestan yo anonse plizyè lòt mouvman nan jou yo pou fòse gouvènman defakto a tande vwa yo

Nou ap fè ou konnen se twazyèm manifestasyon kont ensekirite a ke lapolis rive kraze.