Komisyon etik ak antikòripsyon sena repiblik la envite sitwayen Dimitri Vorbe mèkredi 22 dawout kap vini la.
Patwon sogener a ta dwe bay manm komisyon an detay sou enfòmasyon li te pataje sou rezo sosyal twitter, senmenn pase a , kòmkwa gen gwo otorite nan leta a ki te konn mande lajan anba tab pou pèmèt konpayil ap dirije a benefisye kontra pandan administrasyon Martelly – Lamorthe la.
Prezidan komisyon an , Youri Latortue di li detèmine pou ede lajistis fè limyè sou pase (3) twa milya dola vèt nan lajan petwokaribe a ki fè wout kwochi.
Sogener se youn nan konpayi ki gen kontra ak leta ayisyen pou pwodwi epi distribiye kouran nan zòn metwopolitèn pòtoprens la.
Kervens Louis
Kervenslouis459@gmail.com
+509 44120020