Echojounal Echojounal se jew zòrèy ou
Atik Ki Lye
Ansyen premye dam repiblik la, Martine Moïse anvizaje poze kandida pou pòs prezidan peyi Dayiti nan pwochen eleksyon kap gen pou fèt anndan peyi a._
Nan yon interview Martine Moïse bay jounal ameriken an New York Times, li fè konnen li anvizaje poze kandida pou pòs prezidan aprè li fin fè operasyon nan ponyèt dwat li. Chwa sa, daprè madan ansyen prezidan Jovenel Moïse, enskri nan demach pou lide ansyen chèf Leta ayisyen an pa mouri.
Yon lòt kote, madan defen Jovenel Moïse te pwofite okazyon an pou te retounen sou evenman ki te pase nan lannuit 6 pou 7 jiyè 2021 an. » Sèl bagay mwen te wè anvan yo te touye Jovenel Moïse, se te bòt asasen yo », deklare Martine Moïse.
« Jovenel Moïse te mouri bò kote m. Aprè yon ti tan mwen fèmen je m, e mwen pa t wè anyen ankò », pawòl Martine Moïse.
Ansyen premye dam nan konfime gen yon bagay asasen yo pran nan dosye Jovenel Moïse yo. « Se pa sa ! Se pa sa ! Se sa », deklare Martine Moïse ki di moun yo t ap pale an espanyòl.
Jackson junior Rinvil
