Echojounal Echojounal se jew zòrèy ou
Atik Ki Lye
Komin Plezans, ki nan depatman Nip te resevwa gwo chòk nan sekous tranbleman tè samdi 14 dawout 2021 an, kote gen plizyè dega ki anrejistre nan komin sa a.
Nan yon entèvyou nan telefòn ak majistra komin Plezans lan, Eddy Myrtille, ki prezante yon bilan pwovizwa fè konnen yo anrejistre 18 moun ki mouri ak yon moun disparèt, plizyè santèn blese epi pou pi piti 2 mil kay andomaje ak kraze nan komin lan.
« Ou wè jiska nan moman ou rele mwen pou entèvyou a la mwen poko resevwa okenn apèl ni okenn èd nan men otorite nan Leta santral. Se sèlman kèk ONG epi lòt sitwayen ki deplase vin pote èd nan komin lan », daprè deklarasyon majistra Eddy Myrtille, ki denonse pike kole kap fèt pou ale sipòte moun nan depatman Sid ak Grandans poutan depatman Nip gen anpil Viktim tranbleman tè a.
Nan fen konvèzasyon an, majistra Eddy Myrtille, ki mande ak moun kap pote èd yo pou pote manje, dlo, rad epi prela, tant, bwa pou kapab ede popilasyon an nan move enpas y ap travèse aprè pasaj goudou goudou 14 dawout la.
Dieuva Occidor
Kredi foto:lokal fandom
