Echojounal Echojounal se jew zòrèy ou
Atik Ki Lye
Otorite nan peyi Gana pandan fen desanm 2021 an anonse tout moun yo rekonèt ki koupab nan kreye » tansyon ak panik » nan mitan popilasyon an akoz koze pwofesi apokaliptik riske pran 5 lane prizon. Desizyon sa pran nan sousi pou mete bout ak yon pakèt vye previzyon pou lane 2022 a.
Dezomè, pastè ak pwofèt yo ap kenbe revelasyon yo pou yo lè yo fè yo. Lapolis ganeyèn deklare yo vle mete fen nan deklarasyon ki kapab twouble lòd piblik sa vle di, deklarasyon san prèv tankou yon pwofèt prevwa yon atak teyoris pandan koup Afrik Nasyon an.
Fòs lòd yo ap pase nan krib tout sèmon yo e ap gen pouswit jidisyè kont tout derapaj.
Desizyon sa leve plim sou do yon pakèt moun nan legliz pwotestan. Gen moun ki fè konnen Lapolis vle dikte prèch yo, gen lòt ki di lalwa Bondye pi wo pase pa lèzòm, rapòte RFI.
Kredi foto: The Gardian
