Milye tèren ayisyèn lan Melchie Daëlle Dumornay (Corventina) fòfè pou de (2) match Ayiti ap gen pou li jwe nan eliminatwa koup dimond FIFA 2023.
Ansyèn jwè Tigresse la blese pandan li nan konsantrasyon ak estaf la nan lakou st Domingue, seleksyon ayisyèn lan ap gen pou li jwe Premye match li jedi kap 17 fevriye an kont Honduras.
Nan yon twit Corventina konfime ak fanatik li yo, »Se avèk anpil tristès map di nou , mw pap ka prezan pou mwen fè lonè peyi mwen nan de (2) pwochen match sa yo « .
Mwen blese se rezon sa ki fè mwen rete repoze pou mwen ka byen rekipere pou mwen pote sèvis mwen pou seleksyon an nan pwochen tou an daprè sa milye tèren an ekri sou twitter.
Nou ap raple, Ayiti nan gwoup E an ki genyen Cuba, Îles Vierge Américaine, Honduras ak Saint Vincent.
Jocelyn Couyoute