Echojounal Echojounal se jew zòrèy ou
Atik Ki Lye
Nan yon kominike pou laprès ki pote dat 23 out 2025, RHAJAC kontinye denonse yon rezo kriminèl ki ap vann zangi nan lakou peyi Dayiti men, dèyè vann zangi an yo tou pwofite fè move zafè tankou trafik ògàn, kokayin pou site sa yo.
Nan kominike sila yo lonje dwèt sou ansyen senatè Moïse Jean Charles ki ta fè pati rezo kriminèl sa ki ta gen nan tèt li Betty Lamy ak Fritz Richardson Junior.
Selon RHAJAC malgre nan plizyè rapò Nasyon zini mete deyò kote, yo denonse nan do komès zangi an gen anpil lòt move zak ki ap fèt, malgre de (2) manm nan konsèy prezidansyèl chak moun fè ti kout yo, Leslie Voltaire ak Fritz Alphonse Jean rekonèt gen lòt move zak ki ap fèt sou non zangi an, yo pa janm reyaji ni fè anyen pou ta kanpe sa.
Selon responsab RHAJAC yo sa pwouve a klè ke gouvènman defakto a konplis nan zak kriminèl ke ti rezo mafya sa ap mennen nan peyi a.
RHAJAC tou pwofite denonse presyon yon jij te ap pran akoz li te al tante manyen dosye a, presyon sa yo te vini paske jij la te al tante konvoke Moïse Jean Charles ak Betty Lamy, sa ki pouse jij la rale kò li nan dosye a.
Nou ap fè ou konnen se pa premye kominike
RHAJAC mete deyò pou denonse rezo sa ke yo kalifye de rezo kriminè, anyen pa janm fè bò kote gouvènman defakto a pou ta fè limyè pou nasyon an.
