Echojounal echojounal.net
Related Articles
Nan yon seremoni pasasyon lòd ki te fèt nan mitan jounen madi 24 mas 2026 la nan yon anbyans chaje ak gwo defi, nouvo administrasyon Biwo Asirans Vyeyès (ONA) ki vin gen nan tèt li Lovely Francois pran chaj ak yon vizyon klè : mete asire yo nan kè tout desizyon epi rann jesyon an pi transparan.
Nouvo direksyon an pa pèdi tan. Nan premye diskou li, li fè konnen premye travay li se pral fè yon « dyagnostik fon » sou jan enstitisyon an te ap mache. Travay sa a gen pou bi rann administrasyon an pi klè epi konnen egzakteman nan ki eta ONA ye.
Pandan premye 100 jou yo, administrasyon tounèf la fè konnen li pral konsantre sou sa ki priyorite, pandan li ap chèche mwayen pou ranfòse pwogram sosyal ki egziste deja yo tankou « ONA Police » ak « ONA Fanm ». Li pwomèt pou li travay ak entegrite pou asire dwa anplwaye yo ak sèvis piblik la respekte.
Nan non Gouvènman an, Madan Sandra Paulemon te pran lapawòl pou li ensiste sou nesesite pou ONA transfòme tèt li. Pou otorite yo, li enpòtan pou enstitisyon an reprann konfyans popilasyon an epi bay pi bon sèvis.
