Echojounal echojounal.net
Related Articles
Pandan 134yèm sesyon Konsèy Pèmanan Frankofoni an, yo te eli Ayiti nan tèt Komisyon Administratif ak Finansye (CAF) Òganizasyon Entènasyonal Frankofoni (OIF) pou yon manda yon lane.
Anons la tonbe nan jounen jedi 22 oktòb 2026 la, atravè yon nòt ofisyèl Anbasad Ayiti an Frans lan pibliye sou paj Facebook li. Se yon nouvèl ki pote yon gwo onè ak yon vizibilite pozitif pou peyi a nan espas frankofòn nan.
Nan kad manda yon lane sa a, Ayiti pral gen pou li travay kole kole ak lòt manm komisyon an pou garanti yon jesyon solid ak transparan. Pami devwa ki sou do komisyon an, nou jwenn:
Evalye ak anpil rigòt previzyon bidjè OIF la.
Swiv ak anpil atansyon fason bidjè a ap depanse nan diferan pwogram òganizasyon an.
Veye pou tout nòm ak pwosedi finansye yo aplike ak strik respè nan tout aktivite yo.
