Echojounal Echojounal se jew zòrèy ou
Atik Ki Lye
*SANTÉ PLUS*
✴Jodia nap pale de *(KANSÈ NAN TETE)*
-Kansè nan tete se yon boul ou byen yon mas ki devlope nan glann kifè lèt andedan tete a. *Se kansè saa ke fanm fè piplis*
*✅KI BAGAY KI FÈ YON FANM GEN KANSÈ NAN TETE*
– Si fanm-lan gen anpil laj sou tèt li
– Si fanm-lan gen lòt fanmi-li ki te fè kansè nan tete deja
-Si fanm-lan bwè twòp tafya, si l fimen tabak oswa sigarèt, ak si l manje manje ki gen anpil grès kochon oswa grès bèf .
– Si fanm-lan twò gra
-Si fanm-lan fè premye pitit-li nan ta
– Si fanm-lan pat bay tibebe tete ditou
– Si fanm-lan ap swiv trètman ki gen sa yo rele òmon
– Si fanm-lan manke vitamin *D*
*✅KI SA YON FANM KA FÈ POU LI PA GEN KANSÈ NAN TETE*
– Fè anpil ekzèsis, ak espò
– Pa bwè anpil tafya, pa bwè anpil bweson ki gen twòp alkòl
– Se pou fanm lan megri
– Pa manje manje ki gen grès kwit
-Se pou fanm lan bay tibebe tete pandan plizyè mwa
– Fanm lan pa dwe pran grenn ki gen òmon lè l ap fè menopoz
*✅KIJAN POU W DEKOUVRI MALADI KANSE TETE (DEPISTAJ)*
– Kontwole blad tete w chak mwa
– Fè ekzamen mamografi depi ou rive nan laj karant lane (40-an)
– Fè ekzamen ekografi
– Fè ekzamen biyopsi si doktè-w rekòmande-w pou w fè l
*✅KI SA POU W SIVEYE*
*KOURI AL WÈ DOKTÈ-W DEPI OU TA WÈ SIY SA-YO*
-Si tete a vin genyen yon ti kannal sou li, oswa yon ti plise sou po tete-a kifè li sanble po zoranj
– Si tete a gen boul andedan l oswa yon mas
– Si ou wè pwent tete-a defòme, kòm si li ta vle vire sou andedan
– Si ou wè tete-a sanble li gen ekzema, si pwent-lan vin tourouj, si l fè krout, oswa li gen maleng
– Si tete-a ap swente, si l ap bay dlo san, oswa si l ap bay san nwa
– Si tete-a anfle
TRETMAN KANSÈ NAN TETE
– Fè operasyon pou wetire boul la
– Fè operasyon pou wetire tete-a nèt, koupe l ra planche
– Fè tretman chimyoterapi
– Pran reyon
– Pran medikaman
Sous : *National Cancer Institute*
*Viv pou renmen. Viv pou pataje.*
*Viv pou ede.* *Viv ak tout fòs!*
PDG::::::*. *DAMAS STERLING
*Tel:::::* *40813514*
