Echojounal Echojounal se jew zòrèy ou
Atik Ki Lye
Nan kad yon konferans ak laprès Dirèk CTE a mesye Paul Lydbenson Théodate te gen jounen madi 31 mas 2020 an anonse divès gwo desizyon ki gentan pran yon fason pou pèmèt popilasyon an rive jwenn dlo poul fonksyone pandan pasaj pandemi kowona viris la nan peyi a
Nan sans sa direktè a fè konnen gen plizyè dizèn kamyon dlo prive ki ap chaje nan dinepa pou al livre bay popilasyon an nan zòn chann mas epi ak nan zòn ki pi rekile yo
mezi sa yo rive pran pou pèmèt popilasyon an ka fè fason ak pandemi sila
Yon lòt bò mesye Paul Théodate fè konnen nan kad yon paterya yo rive jwenn ak konpayi dlo tretre
prive yo dlo yo pral bese kote galon dlo a te konn vann 6 dola kounya li pral vann 3 dola
Sa vle di dinepa ap founi konpayi prive yo dlo a gratis epi konpayi prive a pral vann popilasyon an dlo a nan yon pri ki pi ba ki se 15 goud
Pilwen mesye Théodate lanse yon mesaj bay tout moun kap konekte sou dlo oubyen jwe nan vann yo san otorizasyon ap gen gwo konsekans sou la vi moun sitou ak mikwòb
se poutèt dinepa ap gen yon nimewo ki disponib pou rele yon mannyè pou lajistis ka reyaji
nimewo pou moun yo rele a se 5959
Sou bò pa direktè teknik sant lan mesye Pascal Adonis anonse gen yon ekip travay kap fèt nan taba 68 epi yon telejesyon ki enstale pou konekte ak sistèm nan epi san nan vivi Michel gen yon rezèvwa ki an konstriksyon ki pral pèmèt gen plis dlo ki pral distribiye
Poun fini nap soulinye depi plizyè lane sant kote dinepa ap eksplwate dlo yo ap sibi anpil gwo difikilte kote anpil moun nan zòn plèn plan ap fouye pwop ponp yo sa ki pèmèt gen yon bès nan ponpaj dlo dinepa yo
Rikenson Fulgeance
