Peyi Dayiti konnen premye mò li anba kowonaviris la jounen dimanch 5 avril 2020 an selon sa minis sante piblik la fè konnen nan yon kominike.
Selon kominike a ki pat site non moun sa ke kowonaviris la pase pran lavi li a, se yon mesye ki gen 55 lane sou zo bwa tèt li e ki te soufri plizyè lòt maladi tankou sik tansyon poun site sa yo ki ta fè li mouri pi vit. Minis sante a Dr Marie Gréta Roy mande tout moun respekte prensip yo “rete lakay nou” toujou lave men nou, evite soti san gen bezwen.
Nap raple se premye moun ki mouri nan peyi a depi ke otorite yo te fin anonse ke kwowonaviris la pile sòl peyi Dayiti a jou ki te 19 mas 2020 an.