Echojounal Echojounal se jew zòrèy ou
Atik Ki Lye
Cristiano Ronaldo fèk fè 2 gòl nan kad premye match ekip Pòtigal la ap jwe anfas ekip Ongri a nan faz final koup Dewòp la, jounen madi 15 jen 2021 an . Gras ak 2 gòl sa yo, lejann Pòtigè a vini pi bon bitè nan istwa koup Dewòp la devan Platini avèk 11 gòl e li vini tou premye jwè nan istwa jwèt la ki fè gòl nan 5 koup Dewòp_ .
Cristiano Ronaldo ap mete rekò atè e an menm tan ap rantre pi fon nan istwa foutbòl la. Premye jwè ki fè gòl nan 5 koup Dewòp rele Cristiano Ronaldo. Kit se Ewo 2004, 2008, 2012, 2016, 2020 atakan Juventus Turin an fè gòl nan tout.
Atakan vedèt seleksyon Pòtigal la, Cristiano Ronaldo manke 3 gòl pou l bat rekò jwè ki gen pi plis gòl ak seleksyon nasyonal yo. Jwè ki devan l lan se Iranyen an Ali Daei ki gen 109 gòl.
N ap raple, Cristiano Ronaldo jwe 176 match avèk Pòtigal. Li fè 106 gòl ak 31 pas desizif.
Jackson junior Rinvil
