Echojounal Echojounal se jew zòrèy ou
Atik Ki Lye
Minis jistis ak sekirite piblik la, Rockfeller Vincent demanti sou kont twitè li mèkredi 3 dawout 2021 an ,enfòmasyon ki fè kwè li bon rapò ak Joseph Badio Félix, sitwayen Lapolis Nasyonal Dayiti ap chache nan kad ankèt k ap mennen nan asasina Jovenel Moïse la._
« M te gen relasyon ak li lè m te direktè jeneral ULCC pandan peryòd janvye pou bout jiyè 2020. Li te anplwaye enstitisyon an. Anvan sa, li t ap travay pou MSJP. Sa p ap sèvi ak anyen pou ap aseye bouye pis yo », reyaji minis jistis ak sekirite piblik la aprè lo manda kominisè gouvènman an mete dèyè yon pakèt gwo zotobre sektè politik la nan kad ankèt sou lanmò Jovenel Moïse.
Rockfeller Vincent demanti tou, nan yon dezyèm twit, Joseph Félix Badio pa t janm « fòmèlman » manm kabinè li. » Joseph F. Badio, refijye Lapolis ap chache aktivman pa t janm manm fòmèl kabinè, ni li pa t janm yon pwòch ankò mwens yon zanmi », fè konnen Rockfeller Vincent.
Nimewo 1 ministè jistis ak sekirite piblik la fè konnen nonsèlman li demanti rimè sa yo, men li mande pou Lapolis entensifye rechèch yo pou kapab mete men sou Joseph F. Badio
Jackson junior Rinvil
