Nan yon nòt pou laprès konpayi » Digicel » mete deyò ki pote non » Nòt Presizyon », esplike tout mwayen ak sa konpayi a pa gen nan kontak telefòn, » SMS » kliyan li yo.
Nan nòt presizyon sa a, konpayi « Digicel », fè konnen li pa gen aksè a okenn konvèzasyon kliyan, ke seswa apèl, SMS, BIP, Whatsapp, Signal, Telegram elatriye. Men, konpayi kapab wè ki nimewo ki rele, a kilè apèl la fèt epi ki kote moun yo ye.
Nan menm nòt sa konpayi « Digicel » fè sansibilite ak komantè pou l di : » men li pa posib pou konpayi an tande kisa moun yo ap di nan apèl la. Teknikman li pa posib », sa nou li nan mitan nòt presizyon konpayi » Digicel » la.
Pou fini, konpayi a raple se la lwa ki fèl obligasyon poul kolabore ak lajistis Digicel toujou rete nan liy la lwa trase, e yo founi tout enfòmasyon lajistis te mande yo. Konpayi » Digicel », raple se yon konpayi prive li ye, li ap asire popilasyon an jeneral ke li ap toujou kolabore ak lajistis jan lalwa prevwa sa fèt la.