Echojounal echojounal.net
Related Articles
Ant mwa janvye ak septanm 2026, plis pase 5 000 moun pèdi lavi yo anba bal nan peyi Dayiti akòz vyolans gang ame yo. Se sa yon rapò « Nasyon Unies » ki soti tou doubout revele sou sitiyasyon sekirite peyi a.
Chif sa yo montre kòman peyi a ap koule pi fon nan kriz la. Nan menm kout zam sa a, ONU rapòte plis pase 230 ka kidnapping ak anviwon 1 000 fanm ki sibi vyolans seksyèl anba men kriminèl yo nan espas nèf (9) mwa sa yo. Bilan sa a desine yon tablo ki tris anpil sou fason popilasyon an ap viv anba teworis gwoup ame yo.
Reyalite sa a ki pa dous ditou vin mete yon gwo dlo nan divèsyon diskou Premye minis defakto, Alix Didier Fils-Aimé. Sou yon vwayaj li te ap fè nan peyi Etazini nan semèn ki sot pase a, chèf gouvènman an te fè konnen sitiyasyon sekirite a kòmanse ap amelyore nan peyi a.
Nouvèl sa a kreye anpil kout pwen sou tab nan mitan obsèvatè yo paske chif Premye minis la avanse sou ka kidnapping yo sibi gwo kontestasyon. Fils-Aimé te dekri ke nan mwa jiyè 2024 la sèlman, yo te anrejistre plis pase 64 ka moun yo te kole sou komin Delma. Men, done ki disponib pou epòk sa a montre se sèlman 38 ka ki te genyen vre.
Dekalaj sa a ant chif òganizasyon entènasyonal yo pote ak diskou ki ap fèt nan tribin entènasyonal yo kontinye ap leve anpil kesyon sou volonte otorite yo pou yo gade kriz sekirite a nan je epi pote yon repons ki kadre ak sa pèp la ap sibi chak jou.
